Кәһвә белән рәсем ясарга өйрәнәләр

 Яңа күнекмәләр, шулар белән бәйле хис-кичерешләр белән яңалыкка омтылып яшәү - хәзерге заманның аерылгысыз өлеше. Читтән торып өйрәнү - бер нәрсә, ә менә әниең белән бергә дуслар арасында яңа эшкә өйрәнү бөтенләй икенче. Мастер-класс - шундый форматтагы чара.

"Мизгел" яшьләр үзәгендә 8 Март - Халыкара хатын-кызлар көненә багышланган менә шундый чара уздырганнар. Мөслим балалар сәнгать мәктәбенең рәсем бүлеге укытучысы Эльмира Галиева Мөслим лицее укучылары һәм аларның әниләре белән берлектә кәһвә белән рәсем ясарга өйрәткән.