Махсус хәрби операциядәгеләргә шәмнәр әзерләнде

Баланлының уңган хатын-кызлары 130 окоп шәме ясадылар.

Махсус хәрби операциядәге егетләр шәмнәрнең нәкъ шушындыен уңайлы дип тапканнар. Бу шәмнәр кечкенә савытларда ризык пешереп алырга, чәй кайнатырга, хәтта блиндаж җылытырга да яраклы.

Бу кадәр шәмне ясау өчен 60 кг парафин тотылган. Калай банкаларны авыл халкы җыйган, җитмәгәнен кафелардан сорап алганнар.

"Гөлсинә Сафина, мин, Зенфира Хәсәнова, Гөлүсә Гәрәева, Глүзә Кашапова, Альфира Зиатдинова, Гүзәлия Шәйдуллина, Разия Нуретдинова, Фәймә Садыйкова - барыбыз бергәләп бер кичтә ясадык", - ди Баланлы мәдәният йорты директоры Фәния Хафизова.

Фотолар - Фәния Хафизовадан.