Бүген Метрәй авылында әфган сугышы ветераны яшәгән йортка истәлек тактасы куелды

Бүген Метрәй авылында әфган сугышы ветераны Хәйбрахманов Нияз Рәкыйп улы яшәгән йортка истәлек тактасы куелды. Чарада район башлыгы Альберт Хуҗин, локаль сугыш ветераннары, күрше район-шәһәрләрдән килгән әфганчылар, Метрәй авылы халкы катнашты. Район башлыгы Альберт Хуҗин халыкны Республика көне белән котлады. Чарада локаль сугыш ветераннарының район иҗтимагый оешмасы җитәкчесе Данил Госманов, Нияз абыйның хезмәттәшләре һәм гаиләсе дә чыгыш ясады.

Фәридә Гайнетдинова фотолары