Авыл халкы бердәм һәм ярдәмчел (фоторепортаж)
Баланлы авылында махсус хәрби операциядә катнашучылар өчен саклану костюмнары тегәләр.
Баланлы мәдәният йорты директоры Фәния Хафизова – актив волонтерларның берсе. Нинди генә хәйрия акциясе игълан ителсә дә, ул беренчеләрдән булып авылдашлары белән ярдәм җыюны оештыра.
– Ярдәм җыюда актив катнашучы авылдашларыма рәхмәтлемен, – ди Фәния ханым. – Ярдәм оештыру турында хәбәр чыгу белән авылдашларыбызның һәрберсе үз өлешен кертергә ашыга. Мәктәп-бакча коллективлары да, өлкәннәр дә һәрвакыт бердәм. Читтә яшәүче авылдашларыбыз да битараф калмый: картага акча күчерәләр дә без авыл кибетеннән кирәкле әйберләрне алабыз. Күптән түгел җибәрелгән гуманитар ярдәм өчен авылдашларыбыз бик күп җылы киемнәр, азык-төлек китерде, рәхмәт аларга!
Баланлы авылы мәдәният йорты бинасы тегү цехын хәтерләтә. Тегү машиналары, кайчы тавышлары һәм хатын-кызларның акрын гына җырлавы ишетелә. Һәркемгә эш бүленгән.
Фәридә Гайнетдинова
Фәридә Гайнетдинова фотосы.
Тулырак "Авыл утлары" газетасының 2023 ел 17 ноябрь санында укыгыз.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев