Уха рецепты

Уха рецепты

Бу – бик тиз әзерләнә торган һәм гаҗәеп хуш исле аш. Аеруча ул яңа гына тотылган елга балыгыннан тәмле килеп чыга.

Кирәк

• Бәрәңге – 4-5 данә
• Кишер – 1 данә
• Суган – 2 данә
• Су – 2½-3 литр
• Тоз – 1½ аш кашыгы
• Вак елга балыгы – 500 г
• Кара борыч (бөтен бөртекле) – 8-10 данә
• Лавр яфрагы – 2-3 данә
• Сарымсак – 5-7 тырнак
• Яшел тәмләткечләр – теләк буенча

Пешерү тәртибе

1. Бәрәңге һәм кишерне зур яки уртача шакмаклап турагыз, суганны вак итеп турагыз.
2. Кайнар суга яшелчәләрне салыгыз, тоз өстәгез һәм якынча 15 минут кайнатыгыз.
3. Балыкны чистартыгыз, эчке органнарын һәм саңакларын алыгыз.
4. Кәстрүлгә балыкны, кара борыч бөртекләрен һәм лавр яфракларын өстәгез. Кайнап чыкканнан соң күбеген алыгыз һәм, капкачын капламыйча, 7-10 минут тирәсе сүлпән утта пешерегез.
5. Вакланган сарымсак һәм яшел тәмләткечләр өстәгез, болгатыгыз һәм уттан алыгыз.
6. Ашны каплап, 10-15 минут төнәтеп торыгыз.

Аш әзер! Тәмле булсын!

Чыганак : Интертат сайты 

Фото – Интертат сайтыннан