Ташкабактан рулет

Кирәкле ингредиентлар:

• уртача зурлыктагы ташкабак – 1 данә (якынча 400-500 гр.),

• каты сыр (мәсәлән, "Пармезан" яки "Гауда") – 100 гр.,

• йомырка – 3 данә,

• тоз – тәменә карап,

• кара борыч – тәменә карап,

• майонез – 2 аш кашыгы. 

Эчлек өчен:

• Краб таякчыклары – 200 гр.,

• Майонез – 2-3 аш кашыгы,

• Сарымсак – 1-2 тырнак,

• Йомырка – 4 данә.

Әзерләү тәртибе.

• Ташкабакны юыгыз һәм угычның эре ягыннан чыгарыгыз. Артык суын кул белән сыгыгыз яки дуршлагка салып торыгыз.

• Ташкабакка йомырка, майонез, угычтан чыгарылган сыр, тоз, борыч салып болгатыгыз.

• Табага (противень) пергамент кәгазенә шушы катнашманы җәеп, 180 градуста 20-30 минут пешерегез. 

• Мичтән алгач, өстенә майонез белән болгатылган сарымсакны сөртегез.

• Эчлек әзерлибез. Краб таякчыкларын һәм каты итеп пешерелгән йомыркаларны ваклап турагыз. 

•  Пешкән ташкабак җәймәсе өстенә эчлекне салып, пергамент кәгазе ярдәмендә рулет итеп төрегез һәм 1-2 сәгатькә суыткычка куегыз. 

• Суыткычтан алгач, рулетны 1,5-2 см калынлыктагы кисәкләргә булегез. Яшел тәмләткечләр (укроп, петрушка) белән бизәп, табынга чыгарыгыз.