Шампиньон салаты

500 грамм шампиньон, 2 аш кашыгы үсемлек мае, 1 аш кашыгы ваклап туралган петрушка һәм укроп, аш серкәсе, тоз, төелгән борыч тәменә карап салына.

Яхшылап чистартылган, юылган шампиньоннарны тозлы кайнап торган суга салып, сүрән утта пешеп чыкканчы пешерәләр. Юка гына итеп телемләп турыйлар. Аш серкәсе белән үсемлек маен яхшылап болгатып, тоз һәм борычны тәменә карап кушалар.Өстенә күп итеп ваклап туралган үлән сибеп бизиләр. 

Мондый салатны ак гөмбә, ал гөмбә, каен гөмбәсе, нарат гөмбәсеннән дә ясарга була. 

Гөлназ Җәлилова фотосы