Җиңсәдәге ит
“Ит ашамасам, тамак туймый”, – ди кайберәүләр. Бик тәмле икенче аш – җиңсәдәге итне пешереп карагыз әле. Аның рецептын райондашыбыз Резеда Хәбибуллина тәкъдим итте.
Кирәкле ингредиентлар: 500 грамм сыер ите, уртача зурлыктагы 5 бәрәңге, артык зур булмаган 2 кишер, 1 болгар борычы, 1-2 суган, 3-4 тырнак сарымсак, уртача зурлыктагы 5 шампиньон гөмбәсе, 4 аш калагы соя соусы, шул ук күләмдә көнбагыш мае, тоз, борыч, хмели-сунели тәмләткече.
Әзерләү тәртибе. Итне һәм яшелчәләрне эре шакмаклап турыйбыз. Барысын да яхшылап болгатабыз, тәмләткечләрне кушабыз да, җиңсәгә (рукавка) тутырып, 180 градускача кыздырылган духовкада 1 сәгать 20 минут пешерәбез. Аннары, пакетның өстен ачып, тагын 10 минут пешерәбез.
Тәмле булсын!
Рубриканы Лилия Шәймиева алып бара.
Фото - Р.Хәбибуллинаның шәхси архивыннан
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев