Татарстанда физика, математика, информатика укытучылары өчен грантлар күләме арттырылды

Татарстанда физика, математика һәм информатика укытучылары өчен грантлар күләме арттырылды, алар 2025 елда бүлеп биреләчәк. Республика Премьер-министры Алексей Песошин ТР Министрлар Кабинетының шул хактагы карарын имзалады.

Физика-математика профиле укытучылары өчен грант түләүләре - 300 000 сумнан 344 828 сумга, физика-математика профиле яшь мөгаллимнәре өчен – 240 000 сумнан 275 862 сумга, ә физика-математика түгәрәкләре җитәкчеләре өчен 90 000 сумнан 103 448 сумга кадәр артты.

Шул ук вакытта, грант алучыларның саны үзгәрешсез калды: физика-математика профиле укытучылары (100 кеше), физика-математика түгәрәкләре җитәкчеләре (100 кеше), физика-математика профиле яшь мөгаллимнәре (150 кеше).

Фото: «Татар-информ», Салават Камалетдинов