Стажировка үтә

Татарстан Республикасы хөкүмәтенең «Алгарыш» гранты кысаларында инглиз теле укытучысы Алсу Гәрәева Төркия Республикасының Истанбул шәһәрендәге Халыкара педагогик белем бирү үзәгенә стажировкага җибәрелде.
Стажировканың беренче көнендә ул Мөслим мәгариф идарәсе эшчәнлеге,  Мөслим лицее белән таныштырды. Үзенең авторлык проектларын һәм казанышларын тормышка ашыру тәҗрибәсе белән уртаклашты. Хәзерге вакытта Алсу Гәрәева CLIL интеграцияләнгән укыту методикасы буенча курслар үтә.

Фото - Мөслим мәгариф идарәсе архивыннан