Мөслимлеләр «Битва роботов» региональ ярышларда уңышлы чыгыш ясады
Җиңүчеләргә грамоталар һәм бүләкләр бирелде
Яр Чаллы шәһәрендә "Битва роботов" исемле региональ ярыш үткәрелде. Бирегә 15 шәһәр һәм авылдан - Казан, Яр Чаллы, Актаныш, Азнакай, Арча, Кайбыч, Тукай, Лаеш, Бөгелмә, Зәй, Лениногорск, Менделеевск, Минзәлә, Әгерҗе һәм Мөслимнән йөздән артык катнашучы җыелды.
Мөслим данын" Офык" мәктәптән тыш эшләр үзәгенең "Робот техникасы" берләшмәсенә йөрүче укучылар яклады.
Кече яшьтәге катнашучылар төркеменең "Автоном роботлар" категориясендә 1 урынны - Ралина Сираева, 2 урынны Илназ Нәҗметдинов яулады.
"Идарә ителүче роботлар" категориясендә 1 урынны - Илья Лошкарев, 2 урынны Илзир Гәрәев яулады.
Олы яшьтәге катнашучылар төркеменең "Идарә ителүче роботлар" категориясендә Камил Ситдиков - 2 урынга лаек булды.
"Робо боулинг" номинациясендә 2 урынны Рафаэль Басыров яулады.
Җиңүчеләргә грамоталар һәм бүләкләр бирелде.
Укучыларны ярышларга сыйфатлы әзерләгән өчен, педагог Аяз Бәдртдинов Рәхмәт хатына ия булды.
Фото - мәктәптән тыш эшләр үзәгеннән.
Безнең телеграм каналга кушылыгыз! Телеграм-канал
Нет комментариев