Югары Табынга – су, Түбән Табынга клуб кирәк!

Җирлектә мал асраучы­лар да аз түгел: 524 мөгезле эре терлек, 400дән артык сарык-кәҗә асрыйлар. “Ту­ган як” агрофирмасыннан тыш ике фермер хуҗалыгы эшләп килә.

Халыкның тормыш- көнкүрешен яхшыртуда үзара салым зур роль уйный. Юлларны карап тоту, урам­нарны яктырту, зиратларны төзекләндерү һ.б. мәсьәләләр шушы акчага хәл ителә. Су белән тәэмин итү мәсьәләсе дә шушы программа нигезендә чишелеш таба. Югары Та­бында үзара салым хисабы­на 800 метр озынлыгында суүткәргеч салганнар, Ту­гашта янгын сүндерү маши­насына су алу урыны ясал­ган, Тегермәнлектә чишмә төзекләндерелгән. Югары Та­бында бу юнәлештә эш дәвам итәчәк. Шул максаттан Юга­ры Табында үзара салымны 3 мең сумнан җыярга бул­ганнар. Авылда кимендә 1 километр озынлыгында суүткәргеч салырга планлаш­тыралар. Район җитәкчелеге дә бу юнәлештә ярдәм итәргә вәгъдә иткән. Мәктәпкә кой­ма кою да күздә тотыла. Та­мьянда да су скважинасына ремонт күздә тотыла. Түбән Табында төп игътибар зират­ка биреләчәк кебек: биредә койма ремонты һәм йорт салу планлаштырыла. Тугашта мәдәният йорты коймалы бу­лачак һәм зиратка капка-кой­ма ясалачак. Тегермәнлектә иң зур эш юллар ремонты белән бәйле булыр кебек.

Узган ел “Балаларның җәйге ял лагерена юл” респу­блика программасы нигезендә Түбән Табын урамына 700 метр озынлыгында асфальт юл салынган. Җирлек башлы­гы Рөстәм Кыяметдинов, бу юнәлештә 300 метр грунтлы юл калуын искәртеп, асфальт салуны дәвам итүне сорады. Авыл халкы исеменнән чы­гыш ясаган Расих Әхтәмов та Югары Табынны сулы итүне, Түбән Табында клуб салуны һәм Тугашта Вахитов урамын­да юллар торышына игътибар итүне сорады. Тугашның әлеге урамында асфальт юл булган, шуңа күрә гравий җәеп бул­мый, ди ул.

Югары Табын авылы има­мы мәчетнең кыегын проф­настил белән эшләүне һәм зи­ратка юлны күтәртүне сорады.

Мәлләтамак авыл җирлегендә су белән тәэмин итүдә проблемалар юк кебек. Җирлек башлыгы бу юнәлештә эшне “канәгатьләнерлек” дип атады. Су башнясы территори­ясен койма белән әйләндереп алганнар, будка, тротуар яса­ганнар. Яңа скважина казы­ганнар. Мәлләтамакның Ко­оператив һәм Тукай урам­нарына яңа суүткәргечләр салганнар. “Тукай урамын­нан Кооператив урамына ту­рыга су линиясен суздык”, – ди җирлек башлыгы Хәмзә Хөсәенов. Быел, үзара салым ярдәме белән, бу эшне дәвам итәргә планлаштыралар. Мон­нан тыш үзара салым хисабы­на урам утларын ремонтлау, чүплеккә рекультивация ясау, зиратларны төзекләндерү (алар – бишәү), хуҗасыз ихата­ларга койма кою күздә тотыла.

Демографик ситуациягә килгәндә, җирлектә 292 хуҗалык исәпләнә, 634 кеше яши. Узган ел җирлектә ике егет һәм бер кыз гаилә кор­ган. 11 кеше якты дөнья белән хушлашкан, 8 бала ту­ган. “Мәктәпкәчә һәм мәктәп яшендәге балалар саны – 119. Әмма аларның бары­сы да авылда яшәми”, – ди җирлек башлыгы. Башлан­гыч мәктәптә 9 укучы белем ала, балалар бакчасына 16 са­бый йөри.

Мәлләтамак җыенында ха­лыктан сораулар кермәде. Ха­лык тормыш-көнкүрешеннән канәгать димәк.

Римма Афзалова.