Фестивальдән – диплом белән

29 апрельдә башкалабыз Казанда XIX нчы Республикакүләм «Созвездие-Йолдызлык-2019» фестивале узды. Анда Мөслим лицееның 9 нчы сыйныф укучысы Гүзәл Зиннурова районыбызның данын яклап Пирамидада чыгыш ясап,зур җиңүгә иреште! Гүзәл 2 нче дәрәҗә Диплом, фестивальнең медале, истәлекле бүләгенә лаек булды. Гүзәлгә һәм җитәкчесе Лилия Заяновага Президентыбыз Рөстәм Миңнеханов һәм “Татнефть” компаниясенең премияләре тапшырылды. Әлеге фестивальдә Ләйсән Вахитова җитәкчелегендәге район мәдәният йортының “Мөслим йолдызчыклары” бию ансамбле дә катнашты һәм “Дебют” номинациясендә җиңүгә иреште.

Лилия Заянова фотосы.