Язгы көн ел туйдыра

Авыл хуҗалыгы идарәсе мәгълүматларына караганда, 3 майга районыбызда 15753 гектар җирдә язгы чәчү башкарылган. "Исламов" фермер хуҗалыгы – язгы чәчү планлаштырылган мәйданның 39,2 процентында, "Август-Мөслим" агрофирмасы 36,9 процентында эшне төгәлләгән. "Әюпов" хуҗалыгында бу күрсәткеч - 16 процентны, "Нуретдинов"та - 13 процентны, "Туган як"та - 10,4 процент тәшкил итә. "Намус" агрофирмасы чәчүне - 10,3 процент, "Авзалов" КФХ 9,6 процент башкарган. "Исламов" КФХ игеннәрне тукландыру һәм тырмалау эшләрен төгәлләде. "Туган як", "Намус", "Август-Мөслим" агрофирмаларында һәм "Әюпов" КФХда көзге культураларны тукландыру төгәлләнде.