Яшьләр читтә калмыйлар

Коррупция – социаль яктан куркыныч, җәмгыятьне какшатучы күренеш. Һәм җәмгыятебезнең бер өлеше булган яшьләр коррупциягә каршы көрәштән читтә кала алмыйлар. Мәгариф идарәсе һәм “Мизгел” яшьләр үзәге, яшьләр белән эшләү һәм спорт бүлеге белгечләре тарафыннан ел дәвамында шушы темага кагылышлы сыйныф сәгатьләре, викториналар оештырыла, аларга хокук саклау органнары хезмәткәрләре дә чакырыла. “Без – коррупциягә каршы” темасына волонтерлар отряды катнашында төрле акцияләр үткәрелә.