Яшь каләмчеләр

Актанышта халык шагыйре, Габдулла Тукай премиясе лауреаты Гамил Афзал исемендәге әдәбият һәм сәнгать көннәре узды. Кичә “Яшь каләмчеләр” иҗат фестиваленең җиңүчеләре билгеле булды.

Бәйгегә быел республикабызның төрле төбәкләреннән, Чувашиядән, Ульян өлкәсеннән 120дән артык иҗат эше кабул ителгән. 24 укучыга, эше югары бәяләнеп, акчалата бүләкләр бирелде.

Проза юнәлешендә 10-13 яшьлекләр арасында 1нче урынга Мөслим лицее укучысы Әминә Зәкиева (укытучысы - Ләйсән Сафина) лаек булды.

Поэзия юнәлеше буенча 14-18 яшьлекләр арасында Мари Бүләр төп мәктәбе укучысы Зәринә Мирсалихова (укытучысы - Лениза Хәсәнова) 2нче урын яулады.

Лениза Хәсәнова, Йолдыз Зәкиева фотолары.