Янгын куркынычсызлыгы

Көннәр матур торганда кешеләр ишегалларын тәртипкә китерә, ихатасын чистарта. Соңгы араларда Мөслимдә төтен исләре дә ныграк сизелә башлады. “Бәрәңге сабагын яндыручылар белән көрәш ел да дәвам итә. Бу, беренчедән, тын юллары авыруы белән чирләүчеләргә зарарлы булса, икенчедән, экологиягә зур зыян китерә. Янгын куркынычсызлыгын тәэмин итү максатыннан, көнкүреш калдыкларын йортлар янында яндырырга тыелуын халык онытмасын иде! Көннәр сизелерлек суытып җибәрде, электр җиһазларын кулланганда да бик игътибарлы булсагыз иде!”, – ди Мөслим һәм Сарман районнары буенча янгын күзәтчелеге бүлеге инспекторы Илнар Идиятов.