“Җәяүле” профилактик операциясе старт алды

10 августтан республикада “Җәяүле” профилактик операциясе старт алды. Ул 24 августка кадәр дәвам итәчәк. "Республика юл иминлеге идарәсе тарафыннан үткәрелүче әлеге чара юл кичүләрендә булган кимчелекләрне ачыклау, җәяүлеләр катнашындагы һәлакәтләрне кисәтү максатыннан оештырыла, – ди ДАИның өлкән инспекторы Феликс Мәгъданов. – Җәяүлеләргә җәяүле кичүләрендә юл бирмәгән шоферлар, юлны тиеш булмаган урыннан чыгу очракларына аеруча зур игътибар бирелә. Бер атна эчендә генә дә 7 райондашыбызга административ беркетмә төзелде”. Җәяүлеләр тарафыннан махсус яктырткыч элементлар куллану да катгый контрольдә булачак.