“Җәяүле” операциясе старт алды

1 ноябрьдән алып 7 ноябрьгә кадәр “Җәяүле” операциясе старт алды. Укучыларның көзге каникул чорында оештырылучы профилактик чара барышында төп игътибар балаларның иминлеген тәэмин итүгә юнәлтеләчәк. “Операция барышында юл кичүләрендә булган кимчелекләрне дә ачыклаячакбыз. Җәяүлеләр тарафыннан махсус яктырткыч элементлар куллануга күпләр битараф булып кала бирә.   Җәяүлеләр катнашындагы һәлакәтләрне кисәтү өчен мондый элементлар һәр җәяүленең киемендә булырга тиеш”, – ди районның ДАИ җитәкчесе Айнур Хәйретдинов.