Вәрәшбашта митинг үтте

Бүген авылда Җиңү көне уңаеннан митинг үтте, дип хәбәр итәләр безгә Вәрәшбаш авылыннан. Сугыш кырларында башларын салган һәм тыныч көннәрдә вафат булган авылдаш фронтовиклар истәлегенә урнаштырылган обелиск янына яше дә, карты да җыелды. Дога укып, чараны Сәхипҗан хәзрәт ачты. Мәктәп укучылары, балалар бакчасында тәрбияләнүче сабыйлар тыл ветераннары, сугыш чоры балалары хөрмәтенә шигырьләр сөйләде, җырлар җырлады. Яшьләр өлкәннәрнең хатирәләрен тыңлады. Хәмдия Әхмәтшина үзенең һәм иренең сугышта катнашкан туганнары турында истәлекләре белән уртаклашты.