Ватанны саклаучылар көне уңаеннан район Башкарма комитеты җитәкчесе Альберт Хуҗин котлавы

Бәйрәм белән!
23 февральдә Ватанны саклаучылар көнен билгеләячәкбез. Район Башкарма комитеты җитәкчесе Альберт Хуҗин сугыш һәм хәрби хәрәкәтләр ветераннарына, армия сафларында хезмәт итүчеләргә, барлык ир-егетләргә тәбрикләү сүзләрен җиткерде. Анда мондый юллар бар: “Ватаныбыз тарихының бар чорында ир-егетләребез ил чикләрен сакладылар, батырлык үрнәкләре күрсәттеләр. Бу көнне без Кораллы көчләрнең барлык буынын хөрмәтлибез. Батырлыклары һәм хәрби традицияләрне саклауга керткән лаеклы өлешләре өчен Бөек Ватан сугышы һәм тыл ветераннарына, хәрби-нтернационалистларга, запастагы солдатларга һәм офицерларга тирән рәхмәтебезне җиткерәбез. Без хәрби бурычларын намус белән үтәүче яшьләр белән хаклы горурланабыз. Тыныч күк йөзе астында бәхетле, матур яшик!”