Нарат Асты авылындагы Урман иле лагерендә бүген икенче смена эшли – 60 малай һәм кыз биредә ялларын файдалы һәм күңелле итеп үткәрә. Спорт юнәлешендәге смена – 18 көнлек. Өченче смена нәфис-эстетик юнәлештә булып, бер атна гына дәвам итәчәк. Лагерьнең һәр сменасы 60шар баланы үз кочагына ала. Лагерьга керү әти-әниләр һәм башкалар өчен дә тыела. Чикләүләр илдәге пандемиягә бәйле. Балаларның иминлеген шәхси сак предприятиесе хезмәткәрләре саклый. Лагерьдагы чаралар балаларның үзләре өчен генә үткәрелә, көнгә биш мәртәбә ашату оештырлган.