Иминлек мөһим

Үзәк балалар китапханәсендә балалар  өчен юл-транспорт травматизмын профилактикалау максатыннан «Җәяүле, велосипедчы, шофер» уен-викторинасы оештырылды. Китапханәче Мөслим лицееның көндезге лагере өчен балаларга юл хәрәкәте кагыйдәләрен төгәл үтәүләрен искә төшерде. «Светофорика», «Яшь җәяүле» һәм «Зебра" командалары «Җәяүле әлифбасы», «Кайгылы сигналлар», «Автомульти», «Юл әлифбасы», «Кроссвордия» викториналарында һәм «Игътибарлы бул!», «Җәяүлеләр үтүе», «Тимер юл», «Головоломкино» уеннарында катнашты. Командалар юл хәрәкәте кагыйдәләрен яхшы белүләрен һәм аларны гамәлдә куллану күнекмәләрен күрсәттеләр.

Фото – Үзәк балалар китапханәсе архивыннан