Уңайлыклар – халык өчен

– Биредә яшәүчеләр белән башта аңлаша алмадык. Подъ­езд ишек төбенә үк куйган ма­шиналарын алып куймый­ча, кадерле вакытны әрәмгә үткәрергә туры килде. Иске асфальтны кубарып алу өчен техниканың ишегалдында иркенләп эшләве сорала. Кай­бер машина хуҗаларын эзләп, өйләренә кадәр үк керергә туры килде. Авзалов, Кооператив урамнарындагы йортлар ише­галлары өр-яңадан ясала. Пар­ковкалары да бик уңайлы була­чак, башкасы да, – диде төзелеш эшләрен алып баручы Яр Чаллы шәһәренең “Автострой” оешма­сы прорабы Юрий Бухаров.

Ремонт-төзелеш эшләре вакытында беренче чиратта юлларның торышы игътибарга алына. Асфальт начар түшәлгән урыннар кабат эшләнде. Һәр ишегалдына тротуарлар яса­ла. “Безнең ишегалды” респу­блика программасы кысала­рында Мөслимдәге берничә күпфатирлы йорт ишегалдын­да да шундый ремонт эшләре башкарылыр дип көтелә. Ләкин иң зур эшләр Авзалов урамын­дагы 1б, Кооператив урамында­гы 168, 170б йортларының ише­галларында каралган.

Биредә өч йортка бер зур парковка ясалачак. Бүген Ав­залов урамындагы 1б йорты һәм Кооператив урамындагы 168 йорт араларындагы хәзерге парковканы зурайту эшенә керештеләр. Авзалов урамын­дагы 1б йортының ишегалдына керү юлына бордюрлар куелды. Балалар өчен уен мәйданчыгы һәр йортка аерым булачак. Коо­ператив урамындагы 170б йор­тына якынрак урнаштырылга­ны Авзалов урамы 1б йорты янына күчереләчәк. Коопера­тив урамындагы йорт янына өр-яңа балалар мәйданчыгы ку­елачак. Биредә уен модульләре дә үзгә булачак.

– Әлеге ишегалларында ха­лык өчен уңайлык тудыру мак­сатында башкарылган эшләр инде ахырына якынлаша. Пар­ковкалар 92 машина сыйды­рышлы булачак. Әлеге өч йорт­та барлыгы 98 фатир исәпләнә. Урын җитмәү буенча проблема булмас дип уйлыйм. Яшел зона, брусчаткалардан түшәлгән тро­туарлар, Мөслимнең үзенә генә хас стильдәге “Г” формасында­гы яктырткычлар – һәркайсы проект барышында уйланыл­ган, – ди район Башкарма комитетының инфраструктур үсеш бүлеге баш белгече Илнар Сәйфиев.

Ишегалларында халыкка кер элү урыннары, декоратив эскәмияләр, кече архитектура формалары, чүп савытлары да куелачак.

Күпфатирлы йортлар ише­галдында булачак үзгәрешләр проекты интернет челтәрендә дә урын алды. Анда халык фикере һәм тәкъдимнәре дә исәпкә алынган. Электрон ва­риантын Мөслимнең рәсми сайтына кереп карарга була.

“Безнең ишегалды” ре­спублика программасы кыса­ларында гамәлгә ашырылу­чы ремонт эшләре республи­ка бюджетыннан финанслана. Әлеге программа кысаларын­да киләчәктә Мөслимдәге Ав­залов, Кооператив, Красноар­мейская, Гагарин, Тукай, Кол­хоз, Вахитов, Банк урамна­рындагы күпфатирлы йорт­лар ишегалдында да ремонт, төзекләндерү-яңарту эшләре булачак.

Лилия Шәймиева.