Туган якны өйрәнү музее хезмәткәрләре тәҗрибә уртаклаша

25 нче апрель көнне "Мөслим туган як музее" директоры Синара Яббарова, музейның фәнни хезмәткәре Равил Тимкин "Музейлар язы -2017" акциясе кысаларында Сарман районында үткәрелгән музей хезмәткәрләренең зона семинарында булып кайтты. Семинарда Сарман, Тукай, Мөслим, Кукмара, Мамадыш, Балтач районы музейлары җитәкчеләре һәм хезмәткәрләре катнашты. Семинарда катнашучылар Сарман районының Бөек Ватан сугышы музее, Җиңү паркы һәм бакыр базлары белән танышты. Семинар ахырында эшлекле фикер алышу үтте. Чираттагы семинарны Мөслим җирлегендә үткәрү фикере дә тәкъдим ителде.