Транспорт салымы турында

Агымдагы 2021 елда республика халкына 2 миллион 157 мең белдерү кәгазе җибәрелгән. Аларның гому­ми суммасы 8 миллиард 100 мил­лион сум тәшкил итә. Транспорт салымы өчен 4,5 миллиард сум исәпләнгән.

– Транспорт салымы суммасының дөреслеген “Каль­кулятор транспортного налога ФЛ” сервисы ярдәмендә тикшереп була. Федераль һәм региональ за­коннар тарафыннан транспорт са­лымы буенча ташламалар карал­ган. Мәсәлән, РФ Салым кодексы нигезендә инвалидлар өчен мах­сус җиһазланган яисә социаль яклау органы аша алынган җиңел автомобильләр, авыл хуҗалыгы җитештерүчеләренең махсус техни­касы, биш ат көченә кадәр егәрлекле көймәләр өчен транспорт салы­мы юк. Шулай ук розыскта булган транспорт чарасына хуҗасына кай­тарып биргән айга кадәр салым са­лынмый. Эзләтү тукталып, транс­порт табылмаган очракта да салым исәпләнми. Салым түләүче транс­порт чарасын урлау фактын ел саен расларга тиеш түгел, – дип хәбәр итәләр ТР буенча Федераль салым хезмәтенең 11 санлы районара инспекциясеннән.

2002нче елның 29 ноябрендәге “Транспорт салымы турында”гы Та­тарстан Республикасы законы (№24- ЗРТ) нигезендә аерым категория гражданнарга салым ташламалары каралган. Бу очракта транспорт са­лымы өчен ташлама бер автомобиль өчен генә бирелә. 2020нче ел өчен булган ташламалар белән “Справоч­ная информация о ставках и льготах по имущественным налогам” сер­висы ярдәмендә танышып була, ди салым органнары хезмәткәрләре.

Агымдагы елда республикада 40 меңнән артык кеше транспорт са­лымы буенча ташламалардан фай­даланган. Ташламга ия булучы зат­лар өчен салым ташламаларының гомуми суммасы 107 миллион сум тәшкил иткән. Моннан тыш яңа ко­ронавирус инфекциясе таралудан узган ел иң күп зыян күргән тарма­кларда эшчәнлекләрен алып бару­чы 22 мең шәхси эшмәкәргә гомуми суммасы 87 миллион сумлык салым ташламалары бирелгән.

– Узган ел өчен милек салым­нарын 1 декабрьгә кадәр түләп бетерергә кирәк, – диләр районара салым инспекциясе хезмәткәрләре.