Реклама
Яңалыклар
Торфлы туфрак яну очрагы теркәлде
Яңгырлар булмау сәбәпле яшелләнеп өлгермәгән үлән кечкенә очкыннан, тәмәке төпчегеннән дә кабынырга мөмкин.
“Җәй башыннан коры һәм эссе һава торышы табигый, ландшафт янгыннары барлыкка килү куркынычын тудыра. Яңгырлар булмау сәбәпле яшелләнеп өлгермәгән үлән кечкенә очкыннан, тәмәке төпчегеннән дә кабынырга мөмкин. Янгын секундына 5 метр тизлек белән искән җилдә дә коточкыч тизлек белән таралырга һәм куркыныч нәтиҗәләргә китерергә мөмкин. Район территориясендә торфлы туфрак яну очрагы теркәлде. Мондый хәл җирлектә 2010 елның җәеннән бирле күзәтелмәгән. Бары тик янгын-коткару хезмәте һәм урманчылык хезмәткәрләренең янгынны вакытында табуы һәм оператив гамәлләре нәтиҗәсендә генә ут таралмый калды. Райондашларыбыз коры үләнгә ут төшүгә юл куймасыннар, транспортта үлән, урман кишәрлекләренә, шулай ук басуларга кермәсеннәр иде!” – дип хәбәр итә Мөслим һәм Сарман районнары буенча янгын күзәтчелеге бүлегенең баш дәүләт инспекторы Радик Госманов.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев