ТӘМЛЕТАМАК: Балык коймагы пешерәбезме?

"Әгерҗе хәбәрләре" газетасыннан балык коймагы рецептын тәкъдим итәбез, дип яза "Интертат.ру" сайты.

400 грамм чамасы теләсә кайсы балыкның эчен чистартып, башын кисәбез дә, тиресен салдырып, сөяген алабыз.

Филесен һәм 1-2 баш суганны иттарткыч аша чыгарабыз да, шуңа ике йомырка сытып, 3-4 кашык он кушып, яхшылап болгатабыз. Теләгән кеше вак итеп туралган укроп та өсти ала. Бу масса коймак камыры кебек булырга тиеш. Аны майлы табада коймак кебек ике катлап кыздырабыз.