Татарстанда үзәкләштерелгән ашыгыч ярдәм диспетчерлык хезмәтен төзү тәмамланды

admin, 28 апрель 2026 - 20:00

103кә шалтырату Бердәм контакт-үзәктә кабул ителә, дип хәбәр итә ТР Сәламәтлек саклау министрлыгы, дип яза “Татар-информ”

Татарстанда бердәм ашыгыч ярдәм хезмәтен кертү 2019 елда башланды. Узган елның мартыннан яңа платформа Казаннан барлык шалтыратуларны кабул итә башлады. Бер елдан соң ул бөтен республиканы колачлый һәм сәгатенә 300 чакыру кабул итә. Сәламәтлек саклау министрлыгында билгеләп үтүләренчә, өзеклекләр очрагында хезмәтне ике үзәккә бүлгәннәр – Казанда һәм Чаллыда.

Барлык операторлар да бердәм стандартлар буенча эшли, ә махсус программа тәэминаты автомат рәвештә пациентлар белән үзара хезмәттәшлекнең нәтиҗәлелеген саный. Медиклар бригадасының эше дә үзгәрде-хәзер ул якындагы чакыруга юнәлтелә, ә пациентны госпитализацияләгәннән соң, подстанциягә кире кайтармыйча, яңа шалтыратуга күчерелергә мөмкин. Бу мөмкин булган иң аз вакыт эчендә ярдәмгә бригада җибәрергә мөмкинлек бирә.

Ашыгыч ярдәмгә бушлай 103 номеры буенча шалтыратырга мөмкин. Берничә хезмәт ярдәме кирәк булса, бердәм 112 номеры буенча хәбәргә чыгарга була. Шунысын әйтергә кирәк, 03 хәзер эшләми. 103 кә шалтыратканда шалтыратуның сәбәбен, авыруның яки зыян күрүченең фамилиясе, исеме билгеле булмаса, шалтыратучының үз исем-фамилиясен әйтергә мөмкин. Авыруның җенесе һәм якынча яше турында да әйтергә онытмаска кирәк. Әгәр фельдшер «Сезнең чакыру кабул ителде» дип җавап бирсә, чакыруны кабул итү вакытын әйтсә һәм адресын кабатласа, чакыру кабул ителгән дип санала.

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең телеграм каналга кушылыгыз! Телеграм-канал

Без "Дзен"да! Д зен