Татарстанда сайлау турындагы законнарга үзгәрешләр кертелде

Шул хактагы закон проекты ТР Сайлау кодексын Федераль законга тәңгәлләштерүгә юнәлдерелгән.

«Закон буенча Россия төбәкләрендә электрон тавыш бирү үткәрелергә мөмкин. Канун проекты нигезендә, электрон тавыш бирүне уздырганда сайлаучыларга кәгазь бюллетеньнәр кулланып тавыш бирү мөмкинлеге тәэмин ителергә тиеш», - диде ТР Үзәк сайлау комиссиясе рәисе Андрей Кондратьев, закон проектын тәкъдим итеп.

Моннан тыш, ТР Дәүләт Советы, муниципаль берәмлекнең вәкиллекле органы депутатларын өстәмә сайлау парламентка һәм муниципалитетка төп сайлаулар уздырыла торган ел алдыннан билгеләнмәячәк һәм уздырылмаячак. «Депутат вәкаләтләрен вакытыннан алда туктату нәтиҗәсендә күрсәтелгән органнарның хокуксыз составта калу очраклары искәрмә булачак», - дип билгеләп үтте Кондратьев.