Татарстан синоптиклары һава торышы бозылу турында кисәтә
Республикада көчле җил, бураннар, пыскак яңгыр, бозлы яңгыр һәм көчле бозлавык көтелә
Россиянең Европа өлешенә тирәнәюче циклон керүгә бәйле рәвештә, 16-17 февральдә Татарстанда һава торышы шартлары шактый бозыла. Бу хакта ТР Гидрометеорология һәм әйләнә-тирә мохит мониторингы идарәсе хәбәр итә.
Төбәктә актив фронталь бүлекләр узган вакытта кар, юеш кар, пыскак яңгыр, яңгыр, бозлы яңгыр рәвешендәге явым-төшемнәр, урыны белән буран, бозлавык, 16 февраль көнне кайбер районнарда томан көтелә.
16 февраль кичендә һәм 17 февраль көнне тәүлек дәвамында көньяктан исүче җил секундына 15-20 метрга кадәр, төнлә һәм һәм иртән секундына 20-25 метрга кадәр көчәергә мөмкин.
Һава температурасы кискен үзгәреп торачак. Юлларда көчле бозлавык саклана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев