Татарстан Республикасында балалар хокуклары буенча вәкил Гүзәл Удачина Мөслимгә килә.

Аның белән бергә республиканың мәгариф һәм фән министры урынбасары Алсу  Әсадуллина һәм балигъ булмаган балалар эшләре һәм аларның хокукларын яклау буенча республика комиссиясенең җаваплы секретаре Илсөяр Гарифуллина да киләчәк. Эш визиты барышында вәкил балаларның хокукларын һәм законлы мәнфәгатьләрен яклау мәсьәләләре буенча кабул итү үткүрәчәк, мәгариф, сәламәтлек саклау, социаль яклау учреждениеләрендә булачак һәм район балигъ булмаган балалар эшләре һәм аларның хокукларын яклау комиссиясе утырышында катнашачак. Гражданнарны кабул итүдә район мәгариф, опека һәм попечительлек, яшьләр белән эшләү һәм спорт, социаль яклау, сәламәтлек саклау, балигъ булмаган балалар белән эшләү һәм аларның хокукларын яклау комиссиясе рәисе һәм җаваплы секретаре, башка бүлекләр вәкилләре дә катнаша.