Әлеге исемлек "РИА Рейтинг" агентлыгы тарафыннан инде бишенче ел рәттән әзерләнә. Аның максаты - Россиядәге социаль-икътисади вәзгыять буенча иң алдынгы һәм, киресенчә, иң соңгы урыннарны биләп тора торган төбәкләрне ачыклау.
Татарстан исә, гадәттәгечә, әлеге рейтингта иң алдынгы урыннарның берсен тота. Ул төрле күрсәткечләр буенча 65,019 балл җыйган һәм иң яхшы биш регион исемлегенә эләккән. Татарстаннан кала, беренче бишлектә Мәскәү, Санкт-Петербург, Ханты-Мансийск автоном округы-Югра һәм Мәскәү өлкәсе дә бар.
- Әлеге төбәкләрдәге ныклы икътисади база аларга төрле күрсәткечләр буенча алдынгы позицияләрне сакларга ярдәм итә, - дип ассызыклыйлар рейтингны әзерләүчеләр.
Исемлекнең соңгы позицияләрен алып торучыларга килгәндә исә, болар: Тыва, Калмык, Алтай, Ингушетия, Карачай-Черкеск, Төньяк Осетия-Алания, Кабардино-Балкар, Адыгея һәм Чечен республикалары.
Нет комментариев