Татар теле һәм әдәбияты укытучыларының чираттагы семинары узды

Тойгельде урта мәктәбе базасында татар теле һәм әдәбияты укытучыларының чираттагы семинары узды. Семинарда районның барлык татар теле һәм әдәбияты укытучылары һәм ТР Мәгарифне үстерү институтының милли мәгариф лабораториясе мөдире Айгөл Мөхәммәтҗанова да катнашты. Семинар барышында укытучылар 7,8 нче сыйныфларда татар теле һәм татар әдәбияты дәресләрен карадылар һәм заманча татар теле дәресләрен проектлаштыру, дәрескә анализ һәм үзанализ, гомумән, мәктәпләрдә милли мәгариф эшчәнлеген оештыру мәсьәләләре буенча фикер алыштылар.