Мөслим-информ

Муслюмовский район

18+
Яңалыклар

Светлана Белова: «Синнән мең ярым километр ераклыкта сугыш баруын күз алдына китерү кыен»

Берничә көн элек Донбасстан Казанга «Татар-информ» һәлакәтләр бүлеге мөхәррире Светлана Белова һәм агентлык фотографы Михаил Захаров кайтты. Фронт яны торак пунктларының берсендә, фронт сызыгыннан нибары берничә чакрым ераклыкта, алар бер атна вакыт хәрбиләр белән янәшә тордылар.

Светлана Белова: «Синнән мең ярым километр ераклыкта сугыш баруын күз алдына китерү кыен"

- Сигез ел элек, Донбасста сугыш башланганда, мин бу яңалыкларны игътибар белән күзәттем. Әлбәттә, мин читтә кала алмадым, тугандаш халык белән булган фаҗигагә битараф кала алмадым. Бу минем өчен шок иде, хәтта шәхси фаҗига.

Махсус операция башлангач, мин дә, безнең бүлек тә безнең илдә һәм дөньяда барган вакыйгаларны күзәтеп бардылар. Һәм, әлбәттә, бу вакыйганы, ә соңрак мобилизация белән бәйле темаларны яктырттылар. Баштан ук барысын да үз күзләрем белән күрергә теләдем. Мәгълүмат бик күп һәм төрле була бит. Кайвакыт бер-берсенә каршы килә. Кешеләрнең ничек һәм нинди шартларда яшәүләрен күрергә, нәрсә турында уйлауларын белергә теләдем.

Монда яшәүче халык ачык һәм тормыш, көнкүреш турында сөйләшергә әзер. Икенче яктан, алар бик курка. Күпләр шунда ук аларны төшерергә кирәк түгел диләр һәм тизрәк китәләр. Аларны аңларга мөмкин. Без үз вакытында берничә тапкыр теге яки бу торак пунктларда вәзгыятьнең һәм хакимиятнең ничек тиз үзгәрүен күрдек. Кешеләр кайвакыт түзә алмаслык шартларда кала. Алар һәркемнән дә куркалар. Алар белән аралашу бик авыр иде. Чөнки журналист буларак минем бурычым аралашудан тыш тагын нинди дә булса видеокадрлар ясау, аларның ничек яшәвен төшерү иде. Ләкин моңа барысы да әзер түгел иде.

Моннан тыш, эмоциональ яктан авыр иде. Синнән мең ярым километр ераклыкта сугыш барганын күз алдына китерү авыр. Андагы кешеләрнең тормышта бөтенләй башка өстенлекләре, башка шатлыклары бар. Мәсәлән, аларга атнага ике-өч тапкыр су алып киләләр. Менә аларга бу көннәрдә күбрәк су алырга кирәк.   

Әгәр дә миңа анда бару мөмкинлеге булса, хәзер ышанам-мин барырмын. 

Фото - "Татар-информ" архивыннан

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама