Су өчен кайда түлисе?

– Мөслим идарәче ком­паниясе абонентлар сарыф иткән суга түләүне тулысын­ча контрольдә тота алмый. Факттагы түләүләр шактый аерыла. Шуңа күрә без або­нентлар белән турыдан-ту­ры эшләргә булдык. Су белән тәэмин итүдә проблемалар туса, аварияләр була калса да, мәсьәләләр җиңел чи­шелеш табыр, дип уйлый­быз, – ди “Мөслим инженер­лык челтәрләре” җәмгыяте җитәкчесе Ирек Заһидуллин.

Шәхси йортл а рд а яшәүчеләр су күрсәткечләре турында һәр айның 20нче числосына кадәр, 2-54- 46 телефонына шалтыра­тып, хәбәр итәргә тиеш. Ә күпфатирлы йортлар­да гомер итүчеләр су күрсәткечләрен һәр айның 25нче числосына кадәр, 2-34-60 телефонына шалты­ратып, бердәм исәп-хисап үзәгенә әйтергә тиеш. Өч ай дәвамында күрсәткечләрен әйтмәгән абонентларга су өчен түләү норматив буенча исәпләнә.

– “Мөслим инженер­лык челтәрләре” җәмгыяте контролерлары фатир­ларда су счетчикларының төзеклеген, пломбаларны, күрсәткечләрне тикшерәчәк. Җиһазлар искергән очрак­та аларны тиз арада алыш­тыру кирәк. Гадәттә, су счетчикларының хезмәт итү вакыты биш елдан артмый. Су счетчикларын алыштыр­ган очракта, шәхси йорт­та яшәүчеләр – “Мөслим инженерлык челтәрләре” җәмгыятенә, ә күпфатирлы йортларда гомер итүчеләр бердәм исәп-хисап үзәгенә хәбәр итәргә һәм счет­чик документларының күчермәсен тапшырырга тиеш, – ди Ирек Заһидуллин.

С у и с ә п л ә г е ч е күрсәткечләрен вакы­тында хәбәр итмәүчеләр квитанцияләрдә бәянең ни өчен зур булуы белән кызык­сына. Күрсәткечләрне ва­кытында хәбәр итсәләр, бәя норматив буенча исәпләнмәс иде! Бүгенге көндә суның 1 кубометры өчен 28 сум 20 тиеннән исәпләнә. Юын­тык суларны түккән өчен 1 кубометрга 48 сум 56 тиен түлибез.

Б ү г е н г е к ө н д ә җирлегебездә күпфатирлы 60 йорт исәпләнә. Мөслим инженерлык челтәрләре күпфатирлы йортларны һәм 123 оешма-предприятиене су белән тәэмин итә. Бер айга якынча 22627 кубометр су сарыф ителә.

– Башка районнар белән чагыштырганда, бездә су өчен түләү иң түбән та­риф белән башкарыла. Алга таба да бәя әллә ни артмас, дип ышанабыз. Халыкның да моны аңлавы кирәк, – ди “Мөслим инженерлык челтәрләре” җәмгыятенең баш икътисадчысы Эльнар Нәбиев.

“Су счетчикла­рын алыштырмыйбыз” дип киреләнүчеләр дә бар. Кайберәүләр: “Счетчигымның куллану ва­кыты чыкмаган!” – дип ка­рыша. Андыйларга су өчен норматив буенча түләргә туры киләчәк.

Түләүләрне онлайн, бан­кларда урнашкан инфомат­лар аша, шулай ук почта бүлекчәләрендә дә башка­рып булачак

Лилия Шәймиева.

Фото – Pixabay.com