Спорт яңалыклары

3 апрель көнне Азнакай шәһәрендә хоккей сезонын ябуга багышланган алкалы хоккей турниры уздырылды. Ярышларда Азнакай, Әлмәт, шәһәреннән, Җәлил бистәсеннән, Мөслимнән килгән командалар үзара ярыштылар. Бәйгедә 2006-2007 елгы яшүсмерләр көч сынашты. Район данын яклап Денис Гафуров җитәкчелегендә "Титан" командасы чыгыш ясады һәм 3 урынга лаек булды. Командага мактау грамотасы һәм медальләр тапшырылды.

Балалар спорт мәктәбендә 1сеннән -25 апрельгә кадәр "Без - Мөслимлеләр" проекты кысаларында "Спорт-сәламәтлек, спорт -уңыш" дип аталган иҗади бәйге игълан ителгән. Бәйге 3 номинациядә үткәрелә. 1-5 класс укучылары арасында рәсем конкурсында, 6-11 класслар фотографияләр, хикәя, инша, шигырьләр бәйгесендә катнаша ала. 25-30 апрель көннәрендә бәйгегә йомгак ясалып, җиңүчеләргә грамоталар һәм кыйммәтле бүләкләр тапшырылачак, дип хәбәр итәләр спорт мәктәбеннән.