"Сүнмәс дәрт" ветераннар клубының быелгы иҗади сезонга графигы шыплап тулган

Район ветераннар советы каршында 20 елдан артык эшләүче "Сүнмәс дәрт" үзешчәннәр клубы иҗади сезонын дәвам итә. Кайда гына чыгыш ясасалар да, аларны көчле алкышларга күмеп, яңадан килүләрен сорап калалар. Быелгы сезонда да чакырулар шактый. 16 декабрьдә Октябрь авылын шау-гөр китереп кайтканнар иде. Әле 20 гыйнвар көнне Минзәлә районының Иске Иркәнәш авылы халкын шаккатырып кайттылар. Һәр чыгышны бик яратып кабул итте тамашачы, Иркәнәш халкы бик тә кунакчыл икән, очрашуыбыз концерттан соң мул ризыклы чәй өстәле артында дәвам итте, дип хәбәр итәләр "Сүнмәс дәрт" клубыннан.