Шагыйрә Шәмсия Җиһангирова иҗатына багышланган кичә үтте

Вәрәшбаш авылы китапханәчесе якташ шагыйрәбез Шәмсия Җиһангирова 65 яшь тулу уңаеннан "Без бу җирдә бары Мөслимнеке!..." дип исемләнгән әдәби-музыкаль кичә үткәрде. Укучылар шагыйрәнең шигырьләре, иҗат юлы, тормышы белән танышты. Шәмсия Гатуф кызы Җиһангирова Баек авылында туа. Бик күпләр кебек бик яшьли каләм тибрәтә башлый. Матбугатта Муса Җәлилгә багышланган беренче шигыре Мөслим район газетасы «Авыл утлары»нда 1966 елда дөнья күрә. Нечкә хисле шагыйрә иҗатына багышланган кичә укучыларда җылы тәэсирләр калдырды.