Сентябрьдә кемнәрнең пенсиясе артачагы билгеле

1 сентябрьдән пенсионерларның берничә категориясен традицион индексация көтә, дип белдерде РФ Сәүдә-сәнәгать палатасының Г.В.Плеханов исемендәге Россия икътисад университеты «Кеше ресурслары белән идарә итү» База кафедрасы доценты Людмила Иванова-Швец «Прайм» агентлыгына. Бу хакта РИА Новости агентлыгы хәбәр итә.

Августта 80 яше тулачак кешеләрнең пенсиясе күтәрелер дип көтелә. Аларның иминият пенсиясенә (8134 сум 88 тиен) фиксацияләнгән түләүне ике тапкыр арттырачаклар. Ул 16 269 сум 76 тиен тәшкил итәчәк.

Моннан тыш, әле яңа гына беренче төркем инвалидлык алучыларның яки Россия Социаль фондыннан ниндидер нигезләр буенча пенсияне яңадан исәпләүне сораган кешеләрнең дә пенсиясе артыр дип көтелә.

Пенсия артканын көтү өчен тагын бер сәбәп – 1 сентябрьдә билгеләп үтелә торган Өлкәннәр көне. Әлеге бәйрәм уңаеннан федераль түләүләр юк, әмма төбәк һәм муниципаль дәрәҗәдә ул булырга мөмкин. Ярдәмнең күләмен һәм масштабын төбәкләр үзләре билгели. Пенсионерлар түләүләрне, булган очракта, сентябрьдә алачак, дип сүзен төгәлләде Иванова-Швец. Бу хакта Татар-информ сайты яза. 

Фото – Татар-информ архивыннан