Сайлауларда катнашу – гражданлык бурычын үтәү ул

Бу көнне республикабыз халкы Татарстан Республикасы Рәисен һәм җирле үзидарә органнарына 7 663 депутат сайлый алачак. 

Бу – елның иң зур сәяси вакыйгасы. Анда 11 меңнән артык кандидат катнаша.

Бу сайлаулар ни өчен мөһим?

Җирле үзидарә – идарә системасының гражданнарга иң якын дәрәҗәсе. Кайсы ишегалдының беренче булып төзекләндерелүе, кайсы мәктәпнең ремонтлануы, яңа спорт объектларының кайда барлыкка килүе — барысы да депутатлар кабул иткән карарларга бәйле. Аларның һәрберсе көндәлек тормышның уңайлылыгына турыдан-туры йогынты ясый.

Җирле депутатлар катлаулы шәхси мәсьәләләрне хәл итәргә дә ярдәм итәләр. Эш эзләүдә, торак мәсьәләләрен хәл итүдә, дарулар һәм медицина җиһазлары белән тәэмин итүдә ярдәм кулы сузалар. Парламентарийлар пенсия, хокукый һәм милек мәсьәләләре буенча киңәшләр бирәләр, ремонт эшләренә һәм тәртипкә бәйле проблемаларны хәл итүдә ярдәм күрсәтәләр. «Татарстан – казанышлар республикасы» порталы мәгълүматы буенча, һәр сорау контрольгә алына һәм халыкка конкрет ярдәм күрсәтелә.

Актив һәм ышанычлы депутатны сайлау – үз ишегалдыгызның, урамыгызның, районыгызның һәм шәһәрегезнең үсешенә туры йогынты ясау мөмкинлеге.

Сезнең хокук – сезнең тавыш

Сентябрь сайлауларында республикабызда илнең барлык алдынгы сәяси көчләре катнаша:

• «Бердәм Россия»

• «Яңа кешеләр»

• ЛДПР

• КПРФ

• «Гадел Россия – Патриотлар – Дөреслек өчен»

• «Россия коммунистлары»

• «Социаль гаделлек өчен» пенсионерлар партиясе

Партия вәкилләреннән тыш, тавыш бирүдә үз-үзләрен тәкъдим итүче кандидатлар да катнаша. Бу һәр сайлаучыга үз мәнфәгатьләрен тулысынча чагылдыра торган затны табарга мөмкинлек бирә.

Аңлы сайлау ул – киләчәк нигезе

Истә тотыгыз: партия үсешнең гомуми юнәлешен билгели, әмма сезнең округтагы реаль эшне, кулланылыштагы проблемаларны конкрет кеше – депутат башкара. Шуңа, кандидатны сайлаганда, аның кайсы партиядән булуын гына түгел, ә шәхси сыйфатларын: тәҗрибәсен, кыйммәтләрен, туган, яшәгән җирен үстерү буенча тәкъдимнәрен һәм башкару осталыгын да исәпкә алу зарур.

14 сентябрьдә үзегезнең сайлау участогыны килегез. Районыгызның һәм бөтен Татарстанның киләчәге сезнең тавышка бәйле.

Тавыш бирегез – үз киләчәгегезне үзегез төзегез!

Фото: «Татар-информ»