Россиядә яшәүчеләргә дача амнистиясеннән соң мунча һәм сарайга салым түләргә туры киләчәк

Россиялеләргә хуҗалык корылмаларын теркәгәннән соң, мунчаларны һәм сарайларны да кертеп, дача амнистиясе буенча аларга 0,1-0,3 процент күләмендә салым түләргә туры киләчәк - мондый объект участокта бердәнбер булган очраклардан тыш. Бу хакта РИА Новости Күчемсез милек үткәргән сораштыруда катнашучы белгечләр белдерде.

Элегрәк Дәүләт Думасы соңгы укылышта капиталь корылмаларны тәшкил иткән мунчаларны һәм башка корылмаларны да кертеп, хуҗалык корылмаларына дача амнистиясен җәелдерергә тәкъдим ителә торган закон проектын кабул итте.

«Объект теркәлгәннән соң аның милекчесе ел саен милек салымын түләргә тиеш була. Салым ставкасы елына төзелеш бәясеннән 0,1 проценттан 0,3 процентка кадәр үзгәреп тора. Төзелешнең кадастр бәясе никадәр югары булса, милекчегә салым йөкләмәләре шулкадәр күбрәк булак», - дип сөйләде «Инком-Недвижимости» шәһәр читендәге күчемсез милек» юнәлеше бүлеге җитәкчесе Татьяна Максимова.

Ул ачыклык керткәнчә, бакчачыларның шәхси җир кишәрлегендәге бер хуҗалык төзелешенә салымнан азат итәләр, әмма аның мәйданы 50 квадрат метрдан артмаска тиеш.

Объектны теркәгәннән соң, дачник, йөкләмәләрдән тыш, өстенлекләр дә ала. Максимова билгеләп үткәнчә, милек хокукы булмаган объектларны иминиятләштерү, мирас итеп алу, табигый бәла-казалар вакытында компенсация алу мөмкин түгел. Шулай ук объектны юллар төзү һәм башка дәүләт хезмәтләре өчен тартып алу очраклары керә, дип өстәде юрист Ассия Дмитриева. Шул ук вакытта, аның сүзләренчә, рәсмиләштерелмәгән объектларны законлы рәвештә инженерлык коммуникациясенә тоташтырырга ярамый.

Максимова ачыклаганча, шул ук вакытта капиталь булмаган объектларны теркәргә кирәкми. Бу күчереп йөртелә торган теплица,беседка, җәйге душ, җиңел корылмалы сарайлар һәм башка шундый корылмалар.

Закон проекты авторы, Дәүләт Думасы депутаты Даниил Бессарабов ассызыклаганча, әгәр объектка милек хокукы кишәрлек сатучысы тарафыннан рәсмиләштерелмәгән булса, булачак сатып алучының да бу корылмага хокукы булмаячак. Шул рәвешле, хуҗалык төзелешләренә дача амнистиясен киңәйтү мондый объектларның хуҗаларының тормышын җиңеләйтергә тиеш. Шул ук вакытта яңа закон, аның сүзләренчә, дачада хуҗалык объектларын теркәү бурычын кертми. Бу хакта «Татар-инфом» сайты яза. 

Фото – Татар-информ архивыннан