Һәркем өлеш кертергә омтыла

Тирә-юнебезгә ямь бирүче, сулар һавабызны чистартучы агач-куаклар утырту – изге эш. Бу көннәрдә оешма-предприятие һәм мәктәп коллективлары агач утырту буенча өмәләрдә катнаша.
Һәркем яшәгән төбәген матурлауга, яшелләндерүгә өлеш кертергә омтыла. Бу хакыйкатьне аңлаучылар “Яшел Мөслим” проектын гамәлгә ашыруга үзеннән лаеклы өлеш кертә. Шул рәвешле җирлегебездәге парк-скверларны, урамнарны яшелләндерү юнәлешендә күмәк көч белән елның-елында күләмле эшләр алып барыла.