Рейдларның максаты – янгын куркынычын кисәтү

Мөслим һәм Сарман районнары буенча янгын күзәтчелеге бүлеге белгечләре бу көннәрдә социаль яктан уңышсыз гаиләләрне тикшерә. “Рейдларның максаты – янгын куркынычын кисәтү. Бу көннәрдә социаль яклау бүлеге хезмәткәрләре белән Баланлы, Шуганка авылларында булдык. Халык арасында профилактик әңгәмәләр үткәрдек. Янгынны кисәтү, булдырмый калу – күпкә хәерлерәк”, – ди бүлекнең өлкән инспекторы Ренат Идиятуллин.