Район мәдәният йортында "Җырлы халык бездә, моңлы халык" дип исемләнгән концерт узды

Быел да мөслимлеләр кыш буе концерт карады. Оешма-предприятие коллективлары башлаган чыгышларны авыл җирлекләре үзешчәннәре дәвам итте. Ә кичә мәдәният бүлеге тамашачы хөкеменә Казан сәхнәсендә куелачак концерт номерларын тәкъдим итте.
"Ык буйлары" җыр һәм бию ансамбле, егетләр, кызлар вокаль ансамбльләре, аерым җырчылар чыгышлары, нәфис сүз тамашачы күңеленә хуш килде.
Үзешчән сәнгатьтә катнашучыларның чыгышлары дәвам итә. Алдагы атнага Түбән Табын, Иске Карамалы, Крәш. Шуран авыл җирлекләре концертлары планлаштырылган.