Район хакимиятенең актлар залында иртәнге киңәшмә узды

Ул узган атнада булып узган чараларга нәтиҗә ясады, фикерләрен җиткерде. Район эчке эшләр бүлеге җитәкчесе Альберт Шакиров райондагы оператив хәл белән таныштырды, хокук бозулар буенча нәтиҗә ясады. Район башлыгы урынбасары Азат Әхмәтҗанов 8 сентябрьдә узган ТР Дәүләт Советы депутатларын сайлау нәтиҗәләре белән таныштырды, бу чараны әзерләүдә һәм үткәрүдә катнашкан һәркемгә рәхмәт сүзләрен җиткерде. Район башкарма комитетының социаль-мәдәни мәсьәләләр буенча урынбасары Марина Бәдретдинова Өлкәннәр декадасында узачак чаралар белән таныштырды. Район башлыгы тарафыннан яңа эш атнасына максатлар куелды, юнәлешләре билгеләнде.

Фотолар - район хакимиятенең матбугат хезмәтеннән.