Өметләр зурдан!

Һәрбер авыл җирлегендә үзәккә үткән мәсьәләләр була. Баек авыл җирлеге өчен су белән тәэмин итү һәм юллар торышы шундыйлардан. Әлеге мәсьәләләрне хәл итү өчен быел җирлектә үзара са­лым акчасын узган елгы­дан күбрәк җыярга булган­нар. Дусай авылы халкы үзара салымны – бер мең сумнан, баеклылар – ике мең сумнан, Горбуновка һәм Яңа Сәфәрдә 700әр сумнан җыячаклар.

– Узган ел җирлектәге һәр авылда һәр кешедән 700 сум җыеп тапшырган идек. Бар­лыгы 276 мең сум акча ту­планды. Бу средстволар­га Яңа Сәфәр авылында ике тапкыр су насосы алышты­рылды, Баек авылында язгы ташу алып киткән юллар һәм күперләр ремонтланды, – ди Баек авыл җирлеге башлыгы Марат Фәхерлегаянов.

Баек, Яңа Сәфәр, Дусай һәм Горбуновка авылларын берләштергән җирлектә бүген 279 хуҗалык исәпләнсә дә, аларның 228ендә генә кеше яши. Яшәү урыны буенча теркәлгән халык саны белән дә шушы ук хәл. 536 кеше про­пискада булса да, чынлыкта бу сан 400гә дә тулмый! Иха­таларында мал тотучылар саны да әкренләп кими баш­лаган. Җирлек халкы авыл­да төпләнеп калганчы, читкә китеп гомер итүне кулайрак күрә. Шулай да төпләнеп кал­ганнар туган авылларының киләчәге өчен битараф түгелләр. Киләсе елда дүрт авылның да юллары ремонт­ланып, гравий түшәлер, су системасына ремонт ясалыр, дип көтәләр. Үзара салым ак­часын вакытында туплап өлгергән шартта бу эшләрне башкарып чыгып буласын да ышандыра җирлек башлыгы.

– Чишмәләре булган авылларның киләчәге бар, дип юкка гына әйтмәгән әби-бабаларыбыз. Җирлек халкы: “Чишмәләрне төзекләндерергә кирәк”, – дигән фикерен җиткерде. Киләсе җәйдә Баекның Атау чишмәсенә ремонт үткәрелер, ә Гобыртык чишмәсенә ре­конструкция ясалыр, дип көтәбез, – ди Баек авылының клуб мөдире Резеда Нуриева.

Узган ел җыелган үзара салым акчасына Дусай клу­бында өлешчә ремонт эшләре башкарылган. 240 мең сум­га клубның түшәме эшләнгән һәм фойе өлеше ясалган. Баек авыл җирлеге советы, почта бүлекчәсе, клуб, китапханә һәм АТСны бер түбә асты­на туплаган бинада музей да эшли. Авыл тарихы ту­рында сөйләүче музей белән бергә бинаның коридорына да үзара салым хисабына бик яхшы ремонт ясалган, Баек мәдәният йортына бәдрәф эшләнгән.

– Күзгә күренми торган бик күп эшләр зур чыгымнар таләп итә. Шул ук үзара салым хисабына авылдагы зират җирләре рәсмиләштерелде. Ә алар бездә – дүртәү! Авыл эчендәге юлларны ел әйләнәсе карап тоту, юл кы­рыйларын чабу да акча со­рый. Шөкер, авыл халкы һәр башлангычны хуплый. Тик җирлек халкының елдан-ел кимүе генә күңелне тырнап тора. Ел башыннан 15 авыл­дашыбыз бакыйлыкка күчте. Монда яшәмәсәләр дә, яшәү урыны буенча теркәлгән булгач, җирлектә алты бала туды, дип әйтергә ярыйдыр. Шушы көннәрдә ике егетебез­не армия сафларына озатырга планлаштырабыз, – ди Марат Фәхерлегаянов.

Җирлектә төп гомуми бе­лем бирү мәктәбе эшли. Бүген анда 27 укучы белем ала. Ба­лалар бакчасына биш сабый йөри. Дүрт авылга бер генә ки­бет эшли. Калганнарында ав­толавкалар хезмәт күрсәтә.

Үз эшләрен баш­лап, эшмәкәрлек белән шөгыльләнүчеләрнең күп бу­луы сөендерә. Быел Дусайда Рәфил Шакиров, гаилә фер­масы төзеп, терлекчелек һәм игенчелек белән шөгыльләнә башлаган. Шул ук авылдан Илнур Муллагалиев берничә ел инде игенчелек белән шөгыльләнә. Баек фермер­лары Әхәт Солтанов, Илнар Хәмәдишин, Илнар Закиров, Руслан Сәхипгәрәев, Сәфәрдән Ришат Сәхипгәрәев исемнәре – игенчелек, терлекчелек һәм кошчылык буенча яхшы та­ныш. Быел Инсаф Солтанов үзмәшгуль булып теркәлгән. Төрле өлкәләрдәге пробле­маларны чишүдә аның да зур ярдәме булуын билгеләп үтә авылдашлары.

– Төрле мәсьәләләрне чишүдә авыл халкының бердәм булуы кирәк. Тиешле күләмдә акча тупланса, Ду­сайдагы буаны да чистартып булмасмы, дип уйлыйбыз. Үзара салымга өмет зурдан! – ди Баекта яшәүче Ләйлә Ба­янова.

Лилия Шәймиева.

ФОТО – “МӨСЛИМ-ИНФОРМ” АРХИВЫННАН.