Нарат Асты авылында коры үлән яну күзәтелде

“Язга кергәч, коры үлән яндыру очраклары арта. Шундый очракның берсе 18 апрель көнне теркәлде – иртәнге сәгатьләрдә Нарат Асты авылында коры үлән яну күзәтелде.  Барлыгы 300 кв.м мәйданга зыян килде, – дип хәбәр итә Мөслим һәм Сарман районнары буенча янгын күзәтчелеге бүлеге инспекторы Илнар Идиятов. – Янгынның сәбәбе – чүп-чар, коры үлән яндырганда саклык кагыйдәләрен үтәмәү. Коры үләнне яндыру катгый тыела, законны үтәмәүчеләр җаваплылыкка тартылачак”. Коры үлән яндыру очраклары узган атнада Михайловка һәм Ташлыяр авыллары басуларында да теркәлде. Мөслим авылының Кашапов урамында коры үләнгә ут төрткән кешенең дә шәхесе билгеле. Бу очрак буенча тикшерү эше бара.