Мөслимгә кунаклар килде

31март көнне районыбызга Азнакайда яшәүче мөслимлеләребез визит ясады. Визитның максаты 20нче майда Мөслимдә фәнни-тарихи конференция узачак, шуңа әзерлек уңаеннан оештырылган иде. Делегация составында: төбәкне өйрәнүчеләр делегациясенең җитәкчесе, Язучылар берлеге рәисе, академик Марсель Гарипов. Азнакай районы китапханәсенең тарих бүлеге җитәкчесе, журналистлар берлеге әгъзасы Ләйсән Габдуллина. Иске Чакмак кызы, бик күп юморескалар авторы Халидә Галимова. Урманай авыл мәктәбе завучы, төбәкне өйрәнү белән шөгыльләнүче, Азнакай районының татар теле укытучыларының методик берләшмәсен җитәкләүче Илвира Ихсанова. "Маяк" газетасының журналисты, Татарстан массакүләм мәгълүмат чаралары атказанган хезмәткәре Лиза Нурмиева иде. Кунакларыбыз Үзәк китапханәдә якташ язучыларыбыз Фоат Садриев, Мөҗәһит Әхмәтҗанов, Лилия Садриева, "Туган як" музее, китапханә хезмәткәрләре белән түгәрәк өстәл артында очрашты. Очрашуда сүз районыбызның, аңа кергән авыллар, югалган авылларның тарихын, тамырларын барлау турыда барды.