Мөслимдә яман шеш авырулы райондашларыбыз саны арта бара

Ел башыннан яман шеш авырулы 73 райондашларыбыз онкология кабинетына исәпкә баскан. 10 ай дәвамында яман авырулы 55 райондашыбыз якты дөнья белән хушлашкан. Аларның күбесендә эчәклек һәм үпкә рагы. ”Авыруны иртә диагностикалау бик авыр. Бу авыру дәвалауга бирешми дисәк, дөрес булыр. Үлүчеләр арасында иң өлкән кешегә 96 яшь булса, иң яшь дигәненә 39 яше тулган гына иде. Яман авыру белән күбрәк ир-атлар чирли”, – ди онкология кабинеты шәфкать туташы Дилбәр Шабаева.